maven

Origo kaupir Maven

Thu, 09 Apr 2026 17:25:21 GMT

Origo kaupir Maven ehf. og eykur umsvif sín í gagna- og gervigreindarlausnum

Origo hefur gengið frá kaupum á öllu hlutafé Maven ehf., sem sérhæfir sig í viðskiptagreind, gervigreindarlausnum og þróun snjallra mælaborða sem styðja við gagnadrifna ákvarðanatöku viðskiptavina sinna. Maven hefur vaxið ört frá stofnun árið 2021 og er í dag leiðandi aðili á íslenskum markaði í uppbyggingu gagnainnviða og hagnýtingu gagna fyrir mörg af stærri fyrirtækjum og stofnunum landsins.

Kaupin eru liður í stefnu Origo um að efla enn frekar stöðu sína sem leiðandi samstarfsaðili á sviði gagna og gervigreindar, og styrkja getu félagsins til að aðstoða viðskiptavini við að umbreyta gögnum í raunverulegt virði með nýtingu nýjustu tækni og lausna.

Með kaupum á Maven eflum við þjónustuframboð Origo á sviði gagna og gervigreindar. Teymi Maven hefur byggt upp mikla sérþekkingu og reynslu á þessu sviði. Öflugir gagnainnviðir eru undirstaða fyrir hagnýtingu gervigreindar, þar sem öryggi gagna og traust þurfa að vera í forgrunni. Það er hlutverk Origo að vera í fararbroddi á þessu sviði á Íslandi. Við sjáum því mikinn styrk í að sameina krafta okkar og Maven, og bjóða viðskiptavinum enn öflugri lausnir.

Árni Geir Valgeirsson
forstjóri Origo

Með kaupunum bætir Origo við sig öflugu teymi sérfræðinga Maven með djúpa þekkingu á gagnavinnslu, gagnainnviðum og þróun greiningarlausna. Sameining félaganna skapar sterkari heild í þjónustu við viðskiptavini sem vilja nýta gögn og gervigreind til að bæta rekstur og auka samkeppnishæfni.

Teymisvinna hefur verið lykilatriði í starfi Maven, enda er þekkingarfyrirtæki eins og okkar fyrst og fremst fólkið sjálft. Sú hugsun passar vel við það sem við sjáum hjá Origo og afar spennandi að verða hluti af stærri heild. Með sameiginlegum styrk getum við byggt upp enn öflugri þjónustu, framtíðarvæna gagnainnviði, tengt betur saman gögn og kerfi og hjálpað viðskiptavinum að koma gögnum í verk. Framundan eru spennandi tímar og við hlökkum til að halda áfram að vaxa og þróa lausnir sem skipta máli.

Helgi Hrafn Halldórsson

Framkvæmdastjóri og stofnandi Maven.

Maven hlýtur Netöryggisstyrk Eyvarar

Fri, 23 Jan 2026 18:08:44 GMT

Bætt netöryggi hjá Maven: Öruggar gagnaveitur og gagnavinnslur

Verkefnið er yfirgripsmikil öryggisuppbygging sem miðar að því að efla netöryggismenningu, innleiða skýra öryggisstefnu, styrkja gagnainnviði og lágmarka rekstraráhættu okkar og samstarfsaðila okkar. Verkefnið byggir á samþættri nálgun þar sem menntun, tækni, verkferlar og vöktun eru samræmd í heildstæðan öryggisramma.

Maven þjónustar fjölbreytt fyrirtæki og stofnanir sem reiða sig á örugga gagnavinnslu. Þó Maven telst ekki til mikilvægra innviða, en við vinnum daglega fyrir aðila sem gegna slíkum hlutverkum, þar á meðal Fjármála- og efnahagsráðuneytið og HS Orka. Þetta gerir netöryggi að lykilþætti í rekstri okkar. Með þesssu verkefni stefnum við að því að efla netöryggismenningu, innleiða skýra öryggisstefnu og lágmarka rekstraráhættu bæði hjá okkur og þeim sem treysta á þjónustu okkar. Verkefnið felur í sér innleiðingu stjórnkerfis netöryggis, yfirferð og herðingu öryggisstillinga og þjálfun starfsmanns sem leiðtoga í netöryggismálum. Með því að vinna með mikilvæg gögn og viðkvæmar upplýsingakeðjur krefst starfsemi okkar öflugra varnar- og vöktunarkerfa. Með markvissri þjálfun, skýrum verkferlum og styrkri öryggisvitund leggjum við grunn að öruggari stafrænum innviðum og traustari gagnaflutningi fyrir okkar viðskiptavini og íslenskt stafrænt atvinnulíf.

Nánar um úthlutun Netöryggisstyk Eyvarar er að finna á vef Rannís

Viðurkenning Jafnvægisvogarinnar 2025

Mon, 13 Oct 2025 12:19:46 GMT

Maven hlýtur viðurkenningu Jafnvægisvogarinnar 2025 - Annað árið í röð

Maven hlaut viðurkenningu Jafnvægisvogarinnar 2025, annað árið í röð, við hátíðlega athöfn í Háskóla Íslands þann 10. október 2025.

Verkefnið um Jafnvægisvogina hefur þann tilgang að auka á jafnvægi kynja í efsta lagi stjórnunar fyrirtækja, stofnana og sveitarfélaga á Íslandi. Markmið Jafnvægisvogar FKA er að hlutföllin verði 40/60 í framkvæmdastjórnun.

Við trúum því að fjölbreytni stjórnenda leiði til betri ákvarðanatöku, aukins trausts innan teymis og betri tenginga við bæði starfsfólk og viðskiptavini. Við viljum byggja upp teymi sem endurspeglar samfélagið sem við erum hluti af og höfum áhrif á.

Það að hafa jafnvægi í stjórnendateymi hefur haft bein áhrif á menningu, samstarf og ákvarðanir innan fyrirtækisins. Við sjáum að fjölbreytt teymi nýtir kraftinn úr ólíkum sjónarhornum og gerir okkur betur í stakk búin til að mæta flóknum áskorunum.

Frekari upplýsingar um Jafnvægisvogina má sjá hér: https://www.fka.is/verkefni/jafnvaegisvogin

Maven og uiData hefja samstarf

petur@maven.is (Pétur Sævar Sigurðarson) — Tue, 29 Jul 2025 14:09:03 GMT

Maven og uiData hefja samstarf til að efla örugga miðlun gagna og styðja gagnadrifna ákvarðanatöku á Íslandi

Íslenska hugbúnaðarfyrirtækið uiData, sem stendur að baki DataCentral, öflugri SaaS lausn fyrir örugga miðlun og stjórnun gagna, hefur gert samstarfssamning við þjónustufyrirtækið Maven. Maven sérhæfir sig í gagnadrifinni þjónustu, ráðgjöf og rekstri á sviði gagnalausna og hagnýtingu gagna sem styðja stjórnendur í upplýstri ákvarðanatöku.

Samstarfið byggir á sterkri samlegð á milli tæknilegrar lausnar uiData og djúprar þekkingar Maven á viðskiptalegri gagnagreiningu og stefnumótandi ráðgjöf. Markmiðið er að fyrirtækjum og stofnunum kleift að hámarka virði gagna sinna með einfaldari og öruggari miðlun upplýsinga til bæði innri og ytri aðila.

Maven mun nú bjóða sínum viðskiptavinum aðgang að virkni DataCentral. Þar á meðal er einföld en örugg deiling skýrslna, aðgangsstýring, sjálfvirkni og önnur viðbótartól sem ekki eru hluti af hefðbundnum viðskiptagreindar verkfærum. Þetta opnar fyrir fjölbreytt notkunartilvik innan hins opinbera, í eftirlitsskyldum atvinnugreinum og meðal fyrirtækja með margar rekstrareiningar svo einhver dæmi séu nefnd.

Þetta samstarf fellur fullkomlega að okkar sýn – að einfalda hvernig gögnum er deilt og þau nýtt milli hagsmunaaðila. Maven nýtur trausts margra þeirra fyrirtækja sem langt eru komin í gagnanýtingu hér á landi. Með því að veita þeim aðgang að DataCentral færum við þeim verkfæri til að leysa flóknar áskoranir í gagnamiðlun með meiri skilvirkni og á hagkvæmari máta.

Davíð Stefán Guðmundsson
CCO hjá uiData ehf.

Í gegnum samstarfið fær sérfræðinga teymi Maven þjálfun og beina tæknilega aðstoð frá uiData, sem styrkir innleiðingu og ráðgjöf á grundvelli DataCentral fyrir viðskiptavini þeirra.

Hjá Maven höfum við ætíð lagt áherslu á að hjálpa viðskiptavinum okkar að umbreyta gögnum í virði. Með DataCentral getum við nú stutt við viðskiptavini á enn skilvirkari hátt þegar kemur að miðlun gagna. Markmiðið er skýrt: að rétt innsýn komist til réttra aðila, í réttu samhengi og með viðeigandi aðgangsstýringum. Þetta bætir hagnýtingu gagna og raunverulegu virði við verkefnin okkar.

Helgi Hrafn Halldórsson

Framkvæmdastjóri og stofnandi Maven.

Samstarfið hefur þegar leitt af sér sameiginleg viðskiptaverkefni og bæði fyrirtækin eru sannfærð um að þetta sé aðeins upphafið að langtímasamstarfi sem muni lyfta gagnastefnu og framkvæmd hennar á íslenskum markaði upp á nýtt stig.

Um uiData ehf.

uiData er íslenskt hugbúnaðarfyrirtæki með aðsetur í Reykjavík. Fyrirtækið þróar DataCentral, örugga og skalanlega SaaS lausn sem einfaldar miðlun gagna og aðgangsstýringu að skýrslum og mælaborðum. Lausnin hjálpar fyrirtækjum að hámarka arðsemi fjárfestingar í viðskiptagreind. DataCentral er viðbót ofan á núverandi skýrslugerðarumhverfi, því þarf ekki að ráðast í umfangsmiklar breytingar til að hefja notkun á lausninni. Á örfáum klukkutímum er lausnin komin í gagnið og farin að stórauka sveigjanleika í gagnamiðlun án þess að fórna öryggi.

Um Maven ehf.

Maven er íslenskt þjónustufyrirtæki í upplýsingatækni með áherslu á hagnýtingu gagna. Maven sérhæfir sig í að leysa viðskiptalegar áskoranir með hagnýtingu gagna. Sérsvið Maven eru meðal annars gagnahögun, skýjalausnir, viðskiptagreind og erð mælaborða, þar sem notast er við tól eins og Microsoft Azure, Power Platform og TimeXtender. Fyrirtækið þjónustar fjölbreyttan hóp viðskiptavina í atvinnulífinu og hinu opinbera og er þekkt fyrir að skila lausnum sem skapa raunverulegt virði.

Viðurkenning Jafnvægisvogarinnar 2024

Fri, 11 Oct 2024 14:09:38 GMT

Maven hlýtur viðurkenningu Jafnvægisvogarinnar 2024

Maven hlaut viðurkenningu Jafnvægisvogarinnar 2024 við hátíðlega athöfn í Háskóla Íslands.

Frekari upplýsingar um Jafnvægisvogina má sjá hér: https://www.fka.is/verkefni/jafnvaegisvogin

maven

Origo kaupir Maven

Origo kaupir Maven ehf. og eykur umsvif sín í gagna- og gervigreindarlausnum

Árni Geir Valgeirsson forstjóri Origo

Helgi Hrafn Halldórsson

Framkvæmdastjóri og stofnandi Maven.

Maven hlýtur Netöryggisstyrk Eyvarar

Bætt netöryggi hjá Maven: Öruggar gagnaveitur og gagnavinnslur

Viðurkenning Jafnvægisvogarinnar 2025

Maven hlýtur viðurkenningu Jafnvægisvogarinnar 2025 - Annað árið í röð

Maven og uiData hefja samstarf

Maven og uiData hefja samstarf til að efla örugga miðlun gagna og styðja gagnadrifna ákvarðanatöku á Íslandi

Davíð Stefán Guðmundsson CCO hjá uiData ehf.

Helgi Hrafn Halldórsson

Framkvæmdastjóri og stofnandi Maven.

Viðurkenning Jafnvægisvogarinnar 2024

Maven hlýtur viðurkenningu Jafnvægisvogarinnar 2024

Árni Geir Valgeirsson
forstjóri Origo

Davíð Stefán Guðmundsson
CCO hjá uiData ehf.